دادگای شاری مانچستەر ڕەتیکردووەتەوە بە بارمتە (کەفالەت) بنجامین مێندی، بەرگریکاری فەرەنسیی یانەی مانچستەر سیتی ئازادبکات.
بۆردی بەرگریکردن لە بنجامین مێندی، کە پێکهاتووە لە پارێزەری تایبەت و چەند پارێزەرێکی دیکە، داواکارییان بۆ دادگای باڵای شاری مانچستەر بەرزکردووەتەوە، تیایدا داوایانکردووە یاریزانەکە بە بارمتە (کەفالەت) ئازادبکرێت.
بەپێی زانیارییەکانی ” زە سەن”، دادگا ڕەتیکردووەتەوە یاریزانە ڕەشئەسمەرە فەرەنسییەکە ئازاردبکات، وادەی زیندانیکردنیان بۆ ماوەی هەفتەیەکی دیکە نوێکردووەتەوە، تاوەکو ئەو کاتەی لێکۆڵینەوەکان کۆتاییاندێت و دادوەر بڕیاری یەکلاکەرەوە دەدات.
بە تۆمەتی دەستدرێژی سێکسی بۆسەر سێ کیژۆڵەی بەریتانی، بەبێ ڕەزامەندی خۆیان، لە ماوەی ڕابردوودا دادگا بڕیاری دەستگیرکردنی بۆ مێندی دەرکرد، کەیسەکەی یەکێکە لە قورسترین کەیسەکان و بە ئەگەرێکی زۆرەوە سزای قورس بەسەریدا دەسەپێنرێت.
