هێزه ئه‌منییه‌كانی عێراق، تیرۆریستێكی داعشیان له كه‌ركوك ده‌ستگیركرد كه گه‌وره‌ترین و سه‌ره‌كیترین دابینكه‌ری چه‌ك بووه بۆ داعش له كه‌ركوك و سه‌ڵاحه‌دین.
شانه‌ی ڕاگه‌یاندنی ئه‌منی بڵاویكرده‌وه، ده‌ستگیركراوه‌كه كاربه‌ده‌ستێكی گه‌وره‌ی داعشه و دانی به‌وه‌دا ناوه كه له ساڵی 2014ـه‌وه له‌ناو داعشدا كارده‌كات و ده‌ستی هه‌بووه له دانانی مه‌فره‌زه و بۆسه و بازگه‌كانی داعش و كوشتنی كارمه‌ندانی هێزه ئه‌منییه‌كان.
به‌گوێره‌ی ڕاگه‌یه‌ندراوی شانه‌ی ڕاگه‌یاندنی ئه‌منی، ئه‌و تیرۆریسته گه‌وره‌ترین دابینكه‌ر و گوێزه‌ره‌وه‌ی چه‌ك بۆ داعش بووه له هه‌ردوو پارێزگای كه‌ركوك و سه‌ڵاحه‌دین.
