یانەی پاریس سان جێرمان لیستی یاریزانە بەشدارەکانی بۆ ڕوبەڕوبوونەوەی ئەمشەو یەکشەممە، بەرامبەر ستاد ڕیمس ئاشکراکرد.
لیستەکەی پاریس سەرجەم یاریزانە ناودار و بەهێزەکان لەخۆدەگرێت، ناوەکانی لیۆ مێسی و کیلیان مباپێ ناوزەند کراون، سەرباری ئەوەی گومان لە داهاتووی ئاسکە فەرەنسییەکە دەکرێت لە یانە فەرەنسییەکە.
هەروەها نێیمار دا سیلڤا جارێکی دیکە و دوای دوورکەوتنەوە بانگهێشتکراوەتەوە، تەنها ناوەکانی سێرجیۆ ڕامۆس و خوان بێرنات لە لیستەکەدا نەهاتوون.
لیستی یاریزانە بانگهێشتکراوەکان پێکهاتوون لە: ناڤاس، دۆناروما، فرانچی، کیمپێمبی، مارکینیۆس، ڤیراتی، مباپێ، پاریدێس، نێیمار، دی ماریا، دانێلۆ، ڤایناڵدوم، هێرێرا، دیالو، دراکسلەر، کیرەر، جی، کالیمۆندۆ، مێسی، بیتومازالا، ئیبێمبی.
