موقتەدا سەدر پاشگەزبووەوە لە بایكۆتكردنی هەڵبژاردن، بڕیاریدا بەشداریی هەڵبژاردنی پێشوەختە بكات و داوای بەشداریی فراوانی دەنگدەران دەكات.
لەکۆنگرەیەکی ڕۆژنامەوانیدا موقتەدا سەدر ڕایگەیاند، “لەپێناو نەهێشتنی گەندەڵی و داگیرکاری لە عێراق بەبەشداریکردنێکی بەرفراوان دەگەڕێینەوە بۆ هەڵبژاردنەکان”.
سەدر وتی، “بە گەڕانەوەمان دەیسەلمێنین گەورەترین فراکسیۆنین کە عێراق پێشتر و تائێستاش لەوشێوەیەی بەخۆوە نەبینیوە”.
پێشتر لە ناوەڕاستی مانگی تەمموزدا موقتەدا سەدر بایکۆتکردنی هەڵبژاردنی پێشوەختەی پەرلەمانی عێراقی ڕاگەیاند، بەڵام ئەمڕۆ هەینی وتی، “بە بەشداریکردنی ملیۆنییەوە دەگەڕێینەوە”.
