هەرکی جەوهەر ئاغای هەرکی کوڕی سەرۆکی عەشیرەتی هەرکی جەخت لەوەدەكاتەوە، بە هەموو شێوەیەک لەگەڵ (ی.ن.ک)دان کار بۆ سەرخستنی لیستی هاوپەیمانی کوردستان و کاندیدەکانی یەکێتی دەكەن.
لە ڕوونكردنەوەیەكدا هەرکی جەوهەر ئاغای هەرکی کوڕی سەرۆکی عەشیرەتی هەرکی هەواڵی چەند میدیایەك رەتدەكاتەوە و دەڵێت، “ناحەزان خەریکە کوێر دەبن و هەموو ڕێگاکانیان تاقیکردەوە، کەچی هەر دەرەقەتی ورەی پۆڵاینی ئێمەی هەرکی نەهاتن، بۆیە بەم پەیامە دەمەوێ پێیان بڵێم کە درۆکانیشیان هیچ سوودێکی بۆیان نابێ”.
دەشڵێت، “ئێمە بە هەموو شێوەیەک لەگەڵ (ی.ن.ک)داین و پێکەوە کاردەکەین بۆ سەرخستنی لیستی هاوپەیمانی کوردستان و کاندیدەکانی یەکێتی”.
دەقی ڕوونكردنەوەكە:
ڕوونکردنەوەیەک بۆ ڕایگشتی و عەشیرەتی هەرکی و دۆستانمان لە عەشیرەتەکانی تر
هەڤاڵان و دۆستان و خزمانی عەشیرەتی هەرکی!
دۆست و خۆشەویستانمان لە عەشیرەتەکانی تر!
بینیمان لە چەند سایت و پەیجێک چەند هەواڵێک بڵاوکراوەتەوە، دەمەوێ ڕوونیبکەمەوە بۆتان کە سەرلەبەری ئەو هەواڵانە درۆی شاخدارو بێ بنەمان.
ناحەزان خەریکە کوێر دەبن و هەموو ڕێگاکانیان تاقیکردەوە، کەچی هەر دەرەقەتی ورەی پۆڵاینی ئێمەی هەرکی نەهاتن. بەم پەیامە دەمەوێ پێیان بڵێم کە درۆکانیشیان هیچ سوودێکی بۆیان نابێ.
ئێمە بە هەموو شێوەیەک لەگەڵ (ی.ن.ک)داین و پێکەوە کاردەکەین بۆ سەرخستنی لیستی هاوپەیمانی کوردستان و کاندیدەکانی یەکێتی.
هەر سەرکەوتووبن و گوێ بە درۆی شاخداری ناحەزان مەدەن
هەرکی جەوهەر محی الدین هەرکی
٢٤ی ئابی ٢٠٢١ – سلێمانی
