گرنگیی نووستن بۆ جەستەی مرۆڤ هیچی کەمتر نییە لە چالاکییە جەستەییەکانی دیکە، بەتایبەت کاریگەری لەسەر ئاستی وردبینی، بیرکردنەوە و جووڵەی کەسەکەش هەیە، سەرچاوە پزیشکییەکان هەشت کاریگەریی نەرێنیی ترسناکیان دەستنیشانکردووە کە بەهۆی نەنووستن و كةمخةوييەوە جەستە ڕووبەڕوويان دەبێتەوە.
توشبوون بە ڕووداوەکان
سەرچاوە پزیشکییەکان ئاشکرایانکردووە، کەمتر لە چوار کاتژمێر نووستن لە شەو و ڕۆژێکدا وادەکات کەسەکە 15 جار زیاتر ئەگەری توشبوونی بە ڕووداوەکانی هاتوچۆ زیادبکات.
ناڕێکیی بیرکردنەوە
کەمخەوی دەبێتەهۆی خراپی و تێکچوونی وردبینی (تەرکیز) و بیرکردنەوەی کەسەکە.
داهێنان
توێژینەوەکان دەڵێن کەمخەوی دەبێتەهۆی کاریگەریی نەرێنی لەسەر توانای داهێنانی مرۆڤ.
گۆشەگیری
ئەوکەسانەی بڕی پێویست ناخەون 10 هێندەی مرۆڤێکی ئاسایی زیاتر ئەگەری توشبوونیان بە گۆشەگیری زیاتر دەبێت.
بەرگریی جەستە
لە شەش کاتژمێر کەمتر نووستن لە ڕۆژێکدا دەبێتەهۆی ئەوەی کەسەکە چوار هێندەی کەسی ئاسایی ئەگەری توشبوونی بە نەخۆشییەکان زیاتربێت.
شەکرە
ئەوانەی کەمدەخەون تووشی کێشەی دەردانی هۆرمۆنی ئەنسۆلین دەبن کە بەرپرسە لە ڕێکخستنی شەکری خوێن و بەمەش ئەگەری توشبوونیان بە شەکرە زیاددەکات.
کێش
نووستن یەکێکە لە گرنگترین هۆکارەکانی زیادبوونی کیَشی لەش، لەبەرئەوەی ئەوکاتە ماوەی چالاکییەکانی هەرس و سووتانی چەوری تێکدەچن، دەردانی هۆرمۆنەکانی جەستە ناڕێک دەبێت و دەبێتەهۆی زیادبوونی کێش.
کێشی دڵ
کەمخەوی دەبێتەهۆی زیادبوونی ئەگەری توشبوون بە نەخۆشییەکانی دڵ بەڕێژەی 70%.
بەپێی توێژینەوەکان لە هەموو سێ کەسێکی پێگەیشتوو یەکێکیان ڕێژەی پێویست ناخەوێت، ئەمەش هۆکارە بۆ تێکچوونی تەندروستیی کەسەکە.
