ژنێكی ئەفغانی لەنێو فڕۆكەیەكی سەربازیی ئەمریكادا منداڵی دەبێت، ڕاستەوخۆ پاش نیشتنەوەی فڕۆكەكە لە بنكەی رامشتاینی ئاسمانی لە ئەڵمانایا.
فەرماندەیی هێزە ئاسمانییەكانی ئەمریكا لە تویتێكدا بڵاویكردەوە، ژنەكە لەنێو كاروانی دووەمی گواستنەوەی ئەفغانییەكاندا بووە.
ڕوونیشیكردەوە، لەمیانەی گەشتەكەدا دایكەكە توشی ئازار و دۆخی تایبەت بە لەدایكبوون بووەتەوە، بۆیە فڕۆكەوانەكە بڕیاریداوە بەرزیی فڕۆكەكە كەمبكاتەوە بەمەبەستی زیادكردنی فشاری هەوا لە فڕۆكەكەدا، كە بووەتە هۆی سەقامگیریی دۆخی دایكەكە و ڕزگاركردنی.
لەدوای نیشتنەوەش، منداڵەكە لە بەشی بارهەڵگرتنی فڕۆكەكە لەدایكبووە.
فەرماندەیی هێزە ئاسمانییەكان ئاماژەی بەوەشداوە، منداڵەكە و دایكی گوازراونەتەوە بۆ دامەزراوەی پزیشكیی نزیك لە بنكەكە، تەندروستی هەردووكیشیان باشە.
Medical support personnel from the 86th Medical Group help an Afghan mother and family off a U.S. Air Force C-17, call sign Reach 828, moments after she delivered a child aboard the aircraft upon landing at Ramstein Air Base, Germany, Aug. 21. (cont..) pic.twitter.com/wqR9dFlW1o
— Air Mobility Command (@AirMobilityCmd) August 21, 2021
س: RT
