ئێوارەی ئەمڕۆ فڕۆکەی بێفڕۆکەوانی تورکی بنکةیەکەی سەربازيی هێزەکانی سوریای دیموکراتی لە شاری تەلتەمر لە ڕۆژئاوای کوردستان بۆردومانکرد و چەند كةسيَك برینداربوون.
بەپێی هەواڵی ئاژانسەکانی ڕۆژئاوا، فڕۆکەی بێفڕۆکەوانی تورکی بنکەی “مەیسی سەربازی تەلتەمر”ی بۆردومان کردووە و چەند ئەندامێکی هێزەکانی سوریای دیموکرات برینداربوون.
بۆردومانەکەی سوپای تورکیا لە ڕۆژئاوای کوردستان هاوکاتە لەگەڵ بۆردومانەکان بۆسەر شەنگال و لەماوەی دوو ڕۆژی ڕابردوودا 10 کەس بەهۆی بۆردومانەکانەوە کوژراون.
دوێنێ ئەنجومەنی خۆبەڕێوەبەریی شەنگال ئاشكرایكرد، لەئەنجامی هێرشەكەی سەر نەخۆشخانەی گوندی سکێنێ، هەشت کەس شەهید و چواری دیکەش برینداربوون، “لەو هەشت کەسەی شەهیدبوون، چواریان شەڕڤانی یەبەشە-ن، کە لە نەخۆشخانەکە تیمار دەکران، هەروەها سێ لە شەهیدەکان، کارمەندی تەندروستی بوون، کە خزمەتی کۆمەڵگای ئێزدییان دەکرد، شەهیدەکەی دیکەش خەڵکی شاری شرناخی باکووری کوردستانە و لە فەرمانی 2014-دا، کاتێک بانگەوازیی سەفەربەربوون کرا، بۆ ئەوەی بریندارەکانی کۆمەڵگای ئێزدیی دەرمان بکات، وەکو پزیشک هاتبوو بۆ شەنگال و لەو کاتەوە خزمەتی تەندروستیی پێشکەش بە خەڵکی شەنگال دەکرد”.
