پێچەوانەی ڕێككەوتنی ئەتۆمییە.. ئێران یۆرانیۆمی زیاتری پیتاندووە

چەند وڵاتێكی گەورەی ئەوروپا ئاشكرایدەكەن كە ئێران یۆرانیۆمی پیتێندراوی زیادكردووە و ئەوەش نیگەرانیكردوون.

ئەمڕۆ پێنجشەممە هەریەك لە فەرەنسا، ئەڵمانیا و بەریتانیا ڕاگەیەندراوێكی هاوبەشیان بڵاوكردەوە و دەڵێن، “ئێران بڕی ئەو یۆرانیۆمەی زیادكردووە كە ڕێژەی پیتاندنەكەی لە 20% زیاترە و ئەوەش یەكەمجارە ئێران ئەوە بكات”.

ئەو وسێ وڵاتە نیگەرانیی خۆیان نیشانداوە و هۆكارەكەشی بۆ ئەوە دەگەڕێننەوە كە بڕی یۆرانیۆمی پیتێندراو زۆرە و ڕێژەكەشی بەرزە و 20%ی تێپەڕاندووە، بۆیە ڕایدەگەیەنن ئەو هەنگاوەی ئێران “پێشێلكارییەكی ترسناكە بەرامبەر بە ڕێككەوتنی ئەتۆمی”.

پێشتر ئاژانسی نێودەوڵەتیی وزەی ئەتۆم ئاشكرایكردبوو كە ئێران توانای بەرهەمهێنانی یۆرانیۆمی پیتێندراوی بۆ 60% بەرزكردووەتەوە و “ئەوەش هەنگاوێكی سەرەكییە بۆ دروستكردنی چەكی ئەتۆمی، چونكە ئێران بۆ پێداویستی و كاروباری شارستانی ئەوەی نەكردووە”.

بابەتی پێشتر

جادووگەرێکی سودانی لە شارێکی كوردستان دەستگیرکرا

بابەتی دواتر

تاقانە جووەكەی ئەفغانستان مانەوەی هەڵبژارد

بابەتی پەیوەندیدار
Total
29
Share