وەزارەتی بازرگانی لەبارەی ئەو ئاردەی دابەشدەکرێت داوایەک لە هاوڵاتییان دەکات

وەزارەتی بازرگانی و پیشەسازیی حکومەتی هەرێم داوا لە هاوڵاتییان دەکات سوود لەو ئاردە وەرگرن کە وەک بەشە ئاردی مانگی 7 دابەشدەکرێت، چونکە کوالێتیی باشە.

وەزارەتی بازرگانی و پیشەسازیی حکومەتی هەرێم دڵنیایی داوە کە بەمنزیکانە بەشە ئاردی مانگی 7 بەسەر هاوڵاتیاندا دابەشدەکرێت و زۆر گونجاویشە بۆ بەکارهێنان.

نەوزاد شێخ کامیل، بەڕێوەبەری گشتیی بازرگانی ڕایگەیاندووە، “ڕەزامەندی وەرگیراوە دەست بە دابەشکردنی بەشی حەوتەمی ئارد بۆ ساڵی 2021 بکرێت، بۆیە ئاگاداری بەڕێوەبەرایەتیی دروستکراوی دانەوێڵەکان و سایلۆکان کراوە گەنم بنێرن بۆ ئاشەکان و لە نزیکترین کات دەست بە دابەشکردنی ئارد دەکرێتەوە، داواش لە هاوڵاتیان دەکەین سوود لەو ئاردە ببینن کە وەریدەگرن، لەبەرئەوەی ئەو گەنمەی وەرگیراوە ئەمساڵ زۆرباشە و نانی لێ دروستکراوە و بەکەڵکی بەکارهێنان دێت”.

وەزارەتی بازرگانی و پیشەسازیی حکومەتی هەرێم پێشتریش چەندینجار هەوڵیداوە بە بەڵگە بە هاوڵاتییان نیشان بدات کە ئەو ئاردەی دابەشدەکرێت زۆرباشە و نانیشی لێدروست دەکرێت، بۆیە خودی وەزارەتەکە چەندینجار وەک بەڵگە نانی لەو ئاردە دروستکردووە و نیشانی هاوڵاتییانیداوە.

بابەتی پێشتر

نرخی نەوت بۆ خوار 70 دۆلار دابەزی

بابەتی دواتر

بۆچوونی حزبە ئیسلامییەکانی کوردستان لەسەر سەرکەوتنی تاڵیبان

بابەتی پەیوەندیدار
زیاتر ببینە

شارەوانیی سلێمانی: هەڵمەتی پاككردنەوە و كۆكردنەوەی خۆڵ و خاشاك ئەنجامدرا

سەرۆكایەتیی شارەوانیی سلێمانی رایدەگەیەنێت، تیمەكانی بەشی خزمەتگوزاری شارەوانیی سلێمانی سەرباری پشووی فەرمی بەردەوامن لەهەڵمەتی كۆكردنەوە پاككردنەوەی ناوچە گەشتیارییەكان.…
Total
0
Share