پرۆگرامی خۆراکی جیهانی (WFP) ڕووپێویی كردووە و دەركەوتووە سێ ملیۆن منداڵی عێراقی لەسەرجەم پارێزگاکاندا پێویستیان بە سوودمەندبوونە لە بەرنامەی ڕێكخراوەكە.
عەلی ڕەزا قورەیشی نوێنەری پرۆگرامی خۆراکی جیهانی لە عێراق ئاشکرایکرد، لە 930 قوتابخانەی پارێزگاکانی عێراقدا کە بەسەریانکردوونەتەوە، پرۆگرامەکانیان سێ ملیۆن منداڵی عێراقی دەگرێتەوە.
ڕاشیگەیاندووە، ڕێکخراوەکەیان لەگەڵ وەزارەتی پەروەردە بەرنامەکانیان فراوانتر دەکەن، تاوەکو بتوانن بگەنە منداڵی زیاتر کە پێویستە بچنە چوارچێوەی بەرنامەکانیانەوە.
ئەو میکانیزمەی ڕێکخراوەکە بەکاریدەهێنێت بۆ هاوکارییەکانی، ڕێکخستنەوەی بەرنامە و پێداویستییە خۆراکییەکانی منداڵەکانە.
هەروەها پشت دەبەستن بەو وزە و کیلۆ کالۆرییە پێویستەی هەر منداڵێکی بەشدار پێویستیەتی لەناو ئەو منداڵانەی لە قوتابخانەکاندا چوونەتە ناو پرۆگرامەکانیانەوە.
