هێزەکانی سوریای دیموکرات “هەسەدە” هۆشداری بە گروپە چەکدارەکان دەدەن تاکۆتایی ساڵ ناوچەکانی گرێ سپی و سەرێکانی چۆڵبکەن، دەشڵێن ئامادەکاری بۆ کۆنتڕۆڵکردنەوەیان دەکەین.
ئەمڕۆ پێنجشەممە، هێزەکانی سوریای دیموکرات “هەسەدە” رایگەیاند، لەماوەی ئۆپراسیۆنەکانی چەند رۆژی رابردوو هێزەکانمان توانیویانە گورزێکی کوشندە لە گروپە چەکدارەکان بدەن و پاشەکشەیان پێکردوون بەتایبەت لە دەوروبەری بەنداوی تشرین”.
وتیشیان ” پلانمان بۆ کۆنتڕۆڵکردنەوەی گرێ سپی و سەرێکانی داناوەو ئامادەکاری بۆ دەکەین، داواش لە گروپە چەکدارەکان دەکەین تا ساڵی نوێ ئەو ناوچانە چۆڵبکەن”.
هاوکات، فەرهاد شامی، وتەبێژ هێزەكانی سوریای دیموكرات رەتیكردەوە چەكدارە نزیكەكانی توركیا بەنداوی تشرینیان كۆنترۆڵكردبێت و رایگەیاند، بەنداوی تشرین و سەرجەم شار و گوندی ناوچەكە لەژێر كۆنترۆڵی هێزەكانی دیموكرات (هەسەدە)ـدایە.
