بانكی ڕافیدەینی عێراقی ئەمڕۆ قەرزێكی دیكەی 50 ملیۆن دیناری بۆ دوو توێژ ڕاگەیاند.
بانكی ڕافیدەین لە ڕاگەیەندراوێكدا دەڵێت، “بڕیارمانداوە بە پێدانی قەرزی 50 ملیۆن دیناری بە فەرمانبەران و كارمەندانی وەزارەتەكانی ناوخۆ و بەرگری”.
ڕوونیشیكردووەتەوە، پێدانی قەرزەكەی ئەمجارە بۆ ماوەی پێنج ساڵە و ڕێژەی سوودی تەنها 4% دەبێت.
بانكەكە باسی لەوەش كردووە، ئەولەویەتی وەرگرتنی قەرزەكە بۆ ئەو فەرمانبەرانەیە، كە هەڵگری كارتی زیرەكی (ماستەر كارت)ن و دەكرێت عێراقییەكان لە لقەكانی بانكەكە لە بەغدادی پایتەخت و پارێزگاكانی دیكە مامەڵەی وەرگرتنی قەرزەكە بكەن.
قەرزەكەی بانكی ڕافیدەین هەرێمی كوردستان ناگرێتەوە، بەهۆی ئەوەی ئەو بانكە لقی لە هەرێمی كوردستان نییە.
