ئەستێرەی فەرەنسی یانەی پاریس سان جێرمان، کیلیان مباپێ جارێکی دیکە داوای دەستبەرداربوونی لە یانە فەرەنسییەکەی کردووە.
ڕۆژنامەنووسی فەرەنسی، تیبو ڤیزیریان زانیاریی نوێی لەبارەی دۆسییەی نوێکردنەوەی بۆندی کیلیان مباپێ لەگەڵ پاریس سان جێرمان ئاشکراکردووە.
ڕۆژنامەنووسەکە لە تۆڕی کۆمەڵایەتیی تویتەرەوە نووسیویەتی، ” کیلیان مباپێ دەیەوێت لە پاریس بڕوات، جارێکی دیکە داوای دەستبەرداربوونی کردووە و نایەوێت بۆندەکەی نوێبکاتەوە، هەوڵدەدات لەم هاوینەوە پەیوەندی بە یانەی ڕیاڵ مەدریدەوە بکات، یاخود هاوینی داهاتوو دەبێتە یاریزانێکی سەربەست و ماڵئاواییدەکات، چەند هەفتەیەک لەمەوبەر پەیامێکی ئاڕاستەی ئیدارەی پاریس کردووە و هۆشداری پێداون، کە نایەوێت لەگەڵ لیۆ مێسی یاریبکات”.
🚨 Kylian Mbappé veut partir. Il a demandé son bon de sortie et ne souhaite pas prolonger. Soit c’est le Real Madrid cet été, soit un départ libre dans un an. Il avait déjà prévenu il y a plusieurs semaines qu’il ne souhaitait pas jouer avec Messi. #PSG 🔴🔵
— T.V. (@ThibaudVezirian) August 11, 2021
سەرەڕای هەڵوێستی یاریزانەکە، ناسڕ خلێفی خاوەنی یانەی پاریس سان جێرمان ڕایگەیاندووە، کە مباپێ لە پاریس بەردەوام دەبێت و لە دانوستاندنەکانیشدا ئامادەییان دەربڕیوە بڕی موچەی ساڵانەی بۆ 50 ملیۆن یورۆ بۆ زیادبکەن.
