یهكێتی ئهوروپا ڕایدەگەیەنێت، “تهواوی بهڵگهكان به ڕوونی دەیسەلمێنن، هێرشی سهر كهشتییه نهوتههڵگهرهكهی ئیسرائیل له كهناراوهكانی عوممان لهلایهن ئێرانهوه ئهنجام دراوه”.
له بهیاننامهیهكدا یهكێتی ئهوروپا، ئیدانەی هێرشەكهی سهر كهشتی بازرگانی (ئێم/تی میرسێر ستریت) له كهناراوهكانی عوممان دەكات و دەڵێت، “ئهنجامدانی ئهو هێرشه هیچ پاساوێك ههڵناگرێت، كه به هۆیهوه هاوڵاتییهكی ڕۆمانی و هاوڵاتییەكی بهریتانی گیانیان لهدهستدا”.
له بهیاننامهكهدا یهكێتی ئهوروپا جهختی لەوەكردووەتەوە، ئهو جۆره كردهوه نابهجێ و تاكلایهنانه، كه پێچهوانهی بنهما نێودهوڵهتییهكانن و ئاشتهوایی نێودهوڵهتی دهكهنه ئامانج، بههیچ شێوهیهك قابیلی قبوڵكردن نین و دهبێت ڕابگیرێن و پێویسته ڕهوتی دهریاوانی بهگوێرهی یاسای نێودهوڵهتی ئازادی تهواوی ههبێت”.
یەكێتی ئەوروپا، داواش لە وڵاتانی ناوچهكه دهكات، ڕۆڵی بونیاتنهر له بهرهوپێشبردنی سهقامگیری و ئاشتهوایی ههرێمیدا بگێڕن.
