کۆمپیوتەرێکی زەبەلاح پێشبینی براوەی پریمەرلیگ دەکات

کۆمپیوتەرێکی زەبەلاح پێشبینی دەکات یانەی مانچستەر سیتی ناسناوی وەرزی نوێ 2021-2022 بەدەستبهێنێت.

ڕۆژنامەی دەیلی میرەری بەریتانی ئاشکرایکردووە، کۆمپیوتەرێکی زەبەلاحی کۆمپانیای “bettingexpert”، دوای خوێندنەوەی جموجۆڵی یانەکان لە گواستنەوەکانی هاوینەی 2021 و گواستنەوەی چەندین یاریزانان، پێشبینی کردووە یانەی مانچستەر سیتی بە کڕینی هاری کەین و جاک گریلیش، تەنانەت بەبێ ئەو یاریزانانەش پارێزگاری لە ناسناوی پریمەرلیگ بکات.

کۆمپیوتەرەکە بۆ یانەی مانچستەر یونایتد بێهیواکەربووە، سەرەڕای کڕینی ڕافائێل ڤاران و جادۆن سانچۆ، پێشبینیکردووە یانە سوورە زەبەلاحەکە پلەی دووەم لەدەستبدات و لە پلەی چوارەمدا خۆی بگرێتەوە.

هەروەها یانەی چێڵسیی لە پێگەی پاڵەوانبوون بەدوورگرتووە و پلەی دووەمی بە کوڕانی توخێل پێبەخشیوە، هەرچی یانەی لیڤەرپوڵیشە لە پلەی سێیەمدا هاتووە.

کۆمپیوتەرەکەی بێتینگ ئێكسپێرت پێشبینی یانە کەوتووەکانیشی کردووە، بەتایبەت یانەکانی نۆرویچ سیتی و واتفۆردی لە کۆتا پلەدا دیاریکردووە، واتای شکست و گەڕانەوە بۆ خولی پلە یەکی ئینگلتەرا.

بابەتی پێشتر

گەڕانەوەی هێرشبەرانی ئیتاڵیا و کۆتا چانس

بابەتی دواتر

كونسوڵی ئەمریكا بۆ ئێزیدییەكان: شانبەشانتان دەوەستینەوە و كۆمەڵكوژی دووبارە نابێتەوە

بابەتی پەیوەندیدار
Total
4
Share