بەهۆی تووشبوون بە ئازاری ددان و بەرزبوونەوەی پلەی گەرمای لەشی، كاسیمێرۆ لە پێكهاتەی بەرازیل بۆ سێ یاریی داهاتووی پاڵاوتنەكانی مۆندیال، دوورخرایەوە.
بڕیارە هەڵبژاردەی بەرازیل سێ یاریی پاڵاوتنەكان بەرامبەر ڤینزویلا، كۆڵۆمبیا و ئۆرۆگوای ئەنجام بدات.
یەكێتیی تۆپی پێی بەرازیل لە بەیاننامەیەكدا بڵاویكردەوە، كاسیمێرۆ تووشی ددان ئێشەیەكی زۆر بووە و هەر بەهۆی ئەوەشەوە پلەی گەرمای لەشی بەرزبووەتەوە.
یەكێتییەكە ئاماژەی بەوەشداوە، پشوو بە كاسیمێرۆ دراوە بۆ ئەو سێ یارییەی پاڵاوتن و لەجێگەی ئەو، دۆگلاس لویز-ی یاریزانی ئەستۆن ڤێلا بانگهێشتكراوە.
بەرازیل بەكۆكردنەوەی 24 خاڵ و بە هەشت بردنەوە، پێشەنگی ڕیزبەندیی هەڵبژاردەكانی ئەمریكای لاتینی گرتووە.
