لەگەڵ دروستبوونی لافاو لە چەند وڵاتێکی ئەوروپی و ڕۆژهەڵاتی ناوەڕاست لە هاویندا، پرسی لافاوی هاوینە و تێکچوونی کەشوهەوای جیهان زیاتر سەرنجی لەسەرە، لەگەڵ ئەوەش لافاوی هاوینە لە ئەوروپا و ئێران زیانی لێکەوتەوە.
دوێنێ 16 ی تەموز، لە پارێزگاکانی سیستان و بلوجستان، هورمزگان، فارس، کرمان، گیلان، لافاوی هاوینە زیانی مادی زۆری گەیاند.
بە وتەی کەشناسی وڵات، بڕیارە ئەمڕۆ و سبەیش لە چەند ناوچەیەک بارانی بەخور ببارێت و ئەگەری دروستبوونی لافاوی لێدەکرێت.
کەشناسی ئێران هۆشداریداوە لەو شوێنانەی کە نزیک ڕوبارەکانن، لەکاتی بارانباریندا خۆیان بپارێزن لە ڕوبارەکە و کەلوپەلەکانیان دووربخەنەوە.
بەپێی پێشبینی کەشناسی ئەو وڵاتە تا ڕۆژی سێ شەممە، ئەگەری لافاو لە چەندین پارێزگای ئێران هەیە و دوای سێ شەممە دۆخەکە ئاسایی دەبێتەوە.
ئاژانسە هەواڵییەکانی ئێران بڵاویانکردووەتەوە، دوێنێ لەکاتی بارانباریندا لەڕێگەی چالوس، لە نێون تاران بۆ باکوری ئێران لافاو چەندین ئۆتۆمبیلی خەڵکی بردووە.
تصاویری از #سیل و خسارت به خودروها در جاده #چالوس pic.twitter.com/90hYdkpqZf
— خبرآنلاين (@khabaronlinee) July 17, 2021
