وەزیری دەرەوەی ئێران رایگەیاند، چارەنووسی سەرۆکی سوریا نادیارە و مەترسییەکانی ئەو دۆخەی لە سوریا هەیە بۆ ناوچەکانی دیکە درێژدەبێتەوە.
لە چاوپێکەوتنێکی تەلەفزیۆنیدا عەباس عێراقچی، وەزیری دەرەوەی ئێران رایگەیاند، چارەنووسی سەرۆکی سوریا نادیارە و پێشتریش لەدوای ساڵی 2011 زۆر کەس پێیان وابوو، کە حکومەت دەکەوێت و هەرەس دەهێنێت، بەڵام گۆڕانکاری لە رووداوەکان وایان کرد، ئەنجامەکان چاوەڕوانکراو نەبن و گۆڕانکاریی رووبدەن.
باسی لەوەشکرد، سیناریۆکان بۆ سوریا، مەترسیدارن و جیاوازن، دەکرێت دابەش ببێت، توشی شەڕی ناوخۆیی ببێت، یاخود لەلایەن گروپێکەوە وڵاتەکە کۆنترۆڵ بکرێت، بەڵام هەموو وڵاتانی ناوچەکە لەسەر یەکپارچەیی خاکی سوریا هاوڕان.
