دوای ئەوەی حکومەتی تورکیا ڕایگەیاند، کە گۆڕێکی بە کۆمەڵیان دۆزیووەتەوە و 68ی بە کوژراوی تێدا بووە، فەرماندەی هێزەکانی سوریای دیموکرات دەڵێت، “تورکیا گۆڕستانی شەهیدانی عەفرین هەڵدەداتەوە”.
میدیاکانی تورکیا لەسەر ڕووداوەکە، سەرەتا وا بڵاویانکردەوە، کە گۆڕە بە کۆمەڵەکە ڕوفاتی 35 کەسی تێدا بووە، بەڵام دواتر ژمارەکە بۆ 68 کوژراو گۆڕا.
دوای بڵاوکردنەوەی هەواڵەکە، مەزڵوم عەبدی، فەرماندەی هێزەکانی سوریای دیموکرات لەسەر ڕووداوەکە ڕایگەیاند، “سوپای داگیرکاری تورکیا گۆڕستانی ئەو شەهیدانەی بۆ بەرگری لە عەفرین گیانیان بەختکرد، لەناو دەبات و بەناوی گۆڕی بەکۆمەڵەوە دەیدات بەگوێی جیهاندا”.
قوات الاحتلال التركي تنبش مقبرة للشهداء الذين سقطوا دفاعاً عن مدينة عفرين أثناء الغزو،ثم تقوم بتزوير الحقائق وتقدمها للرأي العام العالمي على أنها “مقبرة جماعية”
ندعو المجتمع الدولي إلى التحرك الفوري لوقف عملية الإبادة هذه وحماية عفرين وسكانها من جرائم الحرب والجرائم ضد الإنسانية. pic.twitter.com/i8jGZtP0Pg— Mazloum Abdî مظلوم عبدي (@MazloumAbdi) July 16, 2021
عەبدی نوسیویەتی، “داوا لە کۆمەڵگەی نێودەوڵەتی دەکەین، ڕێگە لەو تاوانە بگرێت و ڕێگە نەدات سەرەڕای داگیرکاری ئەو تاوانە بەرامبەر خەڵکی عەفرین بکات”.
هێشتا ناسنامەی ڕوفاتەکان ئاشکرا نەبووە، بەڵام تورکیا دەڵێت کوژراوەکان ناڕازی بوون لە حوکمی یەپەگە لە عەفرین بۆیە کوژراون، بەڵام هیچ بەڵگەیەک بۆ قسەیە نییە.
لە ساڵی 2017 وە تورکیا لەگەڵ هێزە چەکدارە سورییە هاوپەیمانەکانی شاری عەفرینیان لە ڕۆژئاوای کوردستان داگیرکرد، بەشێک لەو گروپانەی بەشداری شەڕی عەفرینیان کرد، لەلایەن ڕێکخراوەکانی مافی مرۆڤەوە بەوە تۆمەتبارن، کە تاوانیان دژی مرۆڤ لە سوریا ئەنجامداوە.
