برێت مەكگۆرك هەماهەنگیكاری كۆشكی سپی بۆ كاروباری ڕۆژهەڵاتی ناوەڕاست و باكوری ئەفریقا لەگەڵ هەریەكە لە بەرهەم ساڵح سەرۆك كۆماری عێراق و مستەفا كازمی سەرۆك وەزیرانی عێراق كۆبووەوە و تاوتوێ چەند پرسێكی تایبەت بەعێراق و ناوچەكەیانكرد.
بەپێی ڕاگەیەندراوێكی نوسینگەی كازمی، لە دیدارەكەدا باسی هەماهەنگی و لێكتێگەیشتنی هاوبەشكرا لەچەند بوارێكدا، هەروەها ئامادەكارییەكان بۆ بەستنی گەڕێكی دیكە گفتوگۆی ستراتیژی نێوان عێراق و ئەمریكا.
ئاماژەبەوەشكراوە، تەوەرێكی دیكەی دیدارەكە گفتوگۆكردنبووە لەبارەی كشانەوەی هێزەشەڕكەرەكانی ئەمریكا لەعێراق و قۆناغی نوێی هەماهەنگی و هاوكار ستراتیژی بۆپێشخستنی پەیوەندییەكانی نێوان هەردوو وڵات و پاراستنی ئاسایشی عێراق و سەروەرییەكەی.
لە بەشێكی دیكەی ڕاگەیەندراوەكە ئەوەشخراوەتەڕوو، لە دیدارەكەی نێوان كازمی و مەكگۆركدا گفتوگۆ لەبارەی دۆخی ناوچەكە كراوە و تەئكید لەوەكراوەتەوە كە پێویستە بەگفتوگۆ چارەسەر بكرێت.
لە لایەكی دیكەوە بەرهەم ساڵح سەرۆک کۆماری عێراق پێشوازیکرد لە هەماهەنگیكاری ئاسایشی نیشتمانی ئەمریکا بۆ کاروباری رۆژهەڵاتی ناوەڕاست و باکووری ئەفریقاكرد.
بەپێی ڕاگەیەندراوی نوسینگەكەی، “لەکۆبوونەوکەدا گفتوگۆکرا لەبارەی پەیوەندییە دووقۆڵییەکانی نێوان هەردوو وڵات و بەهێزکردنی پەیوەندییەکان لەبوارەکانی سیاسی و ئەمنی و ئابوری و کەلتوری لەچوارچێوەی دیالۆگی ستراتیژیی نێوان هەردوو وڵات لەسەر بنەمای بەرژەوەندی هاوبەش، هەروەها دووپاتکرایەوە لەگرنگی درێژەدان بە جەنگی دژ بە تیرۆر و رٍیشەکێشکردنی لە ناوچەکەدا”.
