لە عێراق بەرزترین ڕێژەی توشبوون بە كۆرۆنا تۆماركرا

لە عێراق بەرزترین ڕێژەی توشبوون بە كۆرۆنا تۆماركرا، زیاتر لە 9 هەزار و 600 توشبووی دیكە تۆماركراون، 47 كەسیش بەهۆی ڤایرۆسەكەوە گیانیان لەدەستداوە.

وەزارەتی تەندروستی عێراق لە ڕاگەیەندراوێكدا ئاماری 24 كاتژمێری توشبووانی كۆرۆنای بڵاوكردەوە، لەو ماوەیەدا نۆ هەزار و 635 توشبووی كۆرۆنا تۆماركراون، كە بەرزترینە تا ئێستا لە عێراق تۆماركرابێت.

تایبەت بە ئاماری توشبووان لە هەرێم، بەپێی ئامارەكەی عێراق ، 425 لە سلێمانی، 380 لە هەولێر و 551 توشبوو لە دهۆك تۆماركراون.

هەر بەپێی ئامارەكە، لەماوەی 24 كاتژمێری ڕابردوو پێنج هەزار و 813 توشبوو چاكبوونەتەوە و 47 كەسیش بەهۆی ڤایرۆسەكەوە گیانیان لەدەستداوە.

بەپێی ئامارەكەی وەزارەتی تەندروستی تاوەكو ئێستا لە عێراق یەك ملیۆن و 457 هەزار و 192 تشبووی كۆرۆنا تۆماركراون لەو ڕێژەیەش یەك ملیۆن و 326 هەزار و 73 كەس چاكبوونەتەوە، كەدەكاتە ڕێژەی 91 % هەروەها 17 هەزار و 677 كەسیش بەهۆی ڤایرۆسەكەوە گیانیان لەدەستداوە.

بابەتی پێشتر

باوکی هاری ماگوایەر بەر لێشاوەکەی وێمبڵی کەوتووە

بابەتی دواتر

قوباد تاڵەبانی: نابێت دەزگا ئەمنییەكان دەست لە كاروباری سیاسی وەربدەن

بابەتی پەیوەندیدار
Total
1
Share