وەزارەتی بازرگانیی هەرێم رایگەیاند، حکومەتی عێراق بەشێکی دیکەی پارەی گەنمی جوتیارانی نارد.
وەزارەتی بازرگانی و پیشەسازیی حکومەتی هەرێم بڵاویکردەوە، بڕی 15 ملیار و 500 ملیۆن دینار وەک شایستەی گەنمی جوتیاران بۆ ساڵی 2025 خرایە سەر هەژماری وەزارەتی بازرگانی و پیشەسازی.
دەشڵێت، بەپێی پارێزگاکان، پارەکە بەم جۆرە دابەشدەکرێت:
شەش ملیار دینار بۆ سلێمانی.
پێنج ملیار دینار بۆ هەولێر.
چوارملیار و 500 دینار بۆ دهۆک.
وەزارەتی بازرگانی باس لەوەشدەکات، سبەی پێنجشەممە، لە هەولێر دەست بە دابەشکردنی پارەکە دەکرێت و هەفتەی داهاتووش لە سلێمانی و دهۆک، دەستپێدەکات.
ئەوەشی خستەڕوو، بەپێی رۆژی رادەستکردنی گەنمەکانیان بۆ ئەو جوتیارانەی لە یەک تۆن تاوەکو 50 تۆنیان لێ وەرگیراوە، شایستەکان وەردەگرن، پاشان ئەوانەی بڕی زیاتریان رادەستکردووە، وەریدەگرن.
