وتەبێژی هاپەیمانیی نێودەوڵەتیی دژی داعش جەختی لە بەردەوامیی هاوکارییەکانیان بۆ هێزە ناوخۆییەکانی عێراق و پێسمەرگە کردەوە بۆ ڕوبەڕووبوونەوەی داعش.
لە تویتێکدا واین مەرۆتۆ وتەبێژی هێزەکانی هاوپەیمانیی نێودەوڵەتیی دژی داعش ڕایگەیاند، “هاوکارییەکانمان لەگەڵ هاوبەشەکانمان لە هێزە ناوخۆییەکانی عێراق و هێزی پێشمەرگە بەردەوام دەبێت، بۆ ئەرکەکەمان لە ڕوبەڕووبوونەوەی داعش ڕێگری لە گەڕانەوەی ڕێکخراوەکە”.
Our continued collaboration with our ISF & Peshmerga partners in the #DefeatDaesh mission is essential to prevent a Daesh resurgence. The U.S. CTEF program, overseen by OIR, remains critical to the success of our mission & maintaining our partnerships & coop. #StrongerTogether
— OIR Spokesman Col. Wayne Marotto (@OIRSpox) July 14, 2021
ئاماژەی بەوەشکردووە، “بەردەوام دەبین لە بەرنامەی ڕاهێنان و پەرەپێدانی هێزەکان بۆ روبەڕووبوونەوەی داعش، بەردەوامیی ئەو بەرنامەیە گرنگیی زۆری هەیە بۆ سەرکەوتنی ئەرکەکەمان لە شکستپێهێنانی داعش و پاراستنی هاوبەشی و هەماهەنگییەکانمان”.
پێشتر هاوپەیمانان ڕایانگەیاند، کە هێزەکانیان لە عێراق دەمێننەوە بە گەڕانەوە بۆ حکومەتی عێراقی و هەماهەنگی لەگەڵیاندا، جەختیشیان لەپاراستنی سەروەریی وڵات بەتەواوی کردەوە.
