سەرچاوە ئەمنییەكانی پارێزگای بەسڕە دەڵێن، تەقینەوەیەك لەنزیك چێشتخانەیەكی بەرامبەر نەخۆشخانەی فێركاریی بەسڕە ڕوویداوە.
ئامارە سەرەتاییەكان لەبارەی ژمارەی قوربانییەكانی تەقینەوەكەوە، كە لەلایەن میدیا عێراقییەكانەوە بڵاوكراونەتەوە، ئاماژە بۆ كوژرانی دوو كەس و برینداربوونی 14 كەس دەكەن، لەگەڵ ئەوەی ژمارەی جیاوازی دیكەش بڵاوكراونەتەوە.
تا ئێستا دیارنییە تەقینەوەكە بەهۆی ئۆتۆمبێل یاخود ماتۆڕسكیلی بۆمبڕێژكراوەوە بووە، چونكە پۆلیسی بەسڕە دەڵێت، “لە شوێنی تەقینەوەكەدا ئۆتۆمبێلێك و ماتۆڕسكیلێكی سووتاو هەن”.
