ریچارد برانسۆن ملیاردێری بەریتانی، گەشتێكی چەند خولەكیی بۆ بۆشایی ئاسمان ئەنجامدا.
ماوەیەكە بیرۆكە و كەڵكەڵەی گەشتوگوزار بۆ بۆشایی ئاسمان لای بەشێك لە ملیاردێران دروستبووە، لەو چوارچێوەیەدا، ریچارد برانسۆن-ی ملیاردێر و خاوەنی كۆمپانیای “ڤێرجن گالاكتیك”، لەگەڵ تیمێكی فڕۆكەوانی، بە فڕۆكەی VSS Unity-ی سەر بە خودی كۆمپانیاكەی برانسۆن، گەشتێكی چەند خولەكیی بۆ بۆشایی ئاسمان ئەنجامدا.
فڕۆكەكە لە بنكەی SPACE PORT-ی ویلایەتی نیو مەكسیكۆ-ی ئەمریكاوە فڕی، تەواوی گەشتەكە نزیكەی 50 خولەكی پێچوو، بەڵام چەند خولەكێكی كەم ملیاردێرەكە و تیمە فڕۆكەوانییەكە لە بۆشایی ئاسماندا مانەوە و دواتر گەڕانەوە بۆ سەرزەوی.
گەشتەكەی برانسۆن و تیمەكەی نزیكەی 100 كیلۆمەتر لەسەر ڕووی زەوی بەرزبووەوە و گەیشتە نزیك “هێڵی كارمان”، كە لەلایەن ئیدارەی نیشتمانیی فڕۆكەوانی و بۆشایی ئاسمانی ئەمریكاوە دیاریكراوە.
بڕیارە 20ی ئەم مانگە بەهەمان شێوە جێف بیزۆس خاوەنی كۆمپانیای ئەمازۆن گەشتێك بۆ بۆشایی ئاسمان ئەنجامبدات.
