یەکێتیی ئەوروپا ڕێککەوتنێکی واژووکردووە، کە سەرجەم ئامێرە ئالیکترۆنییکان کەیبڵی شێوەی “USB-C” بەکاربهێنن و ئەمەش زیانێکی گەورە بە کۆمپانیای ئەپڵ دەگەیەنێت.
ئەم بڕیارەی یەکێتییەکە دەبێت تا ساڵی 2024 پەیڕەوکرابێت و سەرجەم ئامێرە ئەلیکترۆنییە زیرەکەکان دەگرێتەوە، بە ئایفۆن و ئایپادیشەوە.
کۆمپانیای ئەپڵ کە تا ئێستا شێوە کەیبڵێکی تایبەتیی خۆی لە ئامێرە زیرەکەکانیدا بەکاردەهێنێت و ناوی “لایتنینگ”ـە، چاوەڕواندەکرێت زیانی گەورەی بەربکەوێت و ئەو تایبەتمەندییەی لەدەستبدات.
باس لەوە دەکرێت ئەم بڕیارەی یەکێتییەکە ژیانی بەکارهێنەران ئاسان دەکات و پارەیان بۆ دەگەڕێنێتەوە.
بڕیارەکەی یەکێتیی ئەوروپا پاش ئەوە دێت، کۆمپانیا جیهانییەکانی پەیوەندی نەیوانتوانیوە بگەنە ڕێککەوتنێکی یەکلاکەرەوە لەوبارەیەوە، سەرباری ئەوەی ماوەیەکی زۆریان پێدراوە.
