دوو كەس بەتۆمەتی دزیكردن لە باخەكانی سیتەك دەستگیركران

دزییان لە چەندین شوێن كردووە

پۆلیسی سلێمانی دەستگیركردنی دوو تۆمەتبار ڕادەگەیەنێت و دەڵێت، چەند ماڵێكیان لە سنووری سیتەك و چەند ناوچەیەكی دیكە بڕیوە و دزییان لێكردوون.

بەڕێوەبەرایەتی پۆلیسی پارێزگای سلێمانی ڕایگەیاند، دوای ئەوەی چەند هاوڵاتییەك سكاڵایان تۆماركرد كە دزییان لێكراوە، مەفرەزەكانی بنكەی پۆلیسی سیتەك لێكۆڵینەوەیان دەستپێكرد و دوای وەرگرتنی بڕیاری دادوەر توانرا دوو تۆمەتبار بدۆزرێنەوە و دەستگیربكرێن.

دەشڵێت، تۆمەتباران لە باخەكانی سنووری سیتەك و گوندەكانی (ئەحمەد ئاوا، زەردەبی، شارستێنە، بازەگیر و چەند گوندێكی دیكە) دزییان كردووە.

لەئێستادا تۆمەتباران (ب.ت.ع.) لەدایكبووی 1995 و (ش.و.ر.) لەدایكبووی 1994 بە بڕیاری دادوەر و بەپێی ماددەی 443 لە یاسای سزادانی عێراقی ڕاگیراون و لێكۆڵینەوە لەگەڵیان بەردەوامە، وەك ئەوەی پۆلیسی سلێمانی دەیڵێت.

ئاشكراشیكردووە، لەكاتی دەستگیركردن و پشكنینی شوێنی نیشتەجێبوونی تۆمەتباران، دەستگیرا بەسەر ژمارەیەكی زۆر كەلوپەل كە لە ماڵ و باخی هاوڵاتیانیان دزیبوو.

بابەتی پێشتر

لە شەش مانگدا 71 دەزگا و ڕۆژنامەنوس پێشێلكارییان بەرامبەر ئەنجامدراوە

بابەتی دواتر

پەرلەمانتارێكی كورد هۆكاری نەناردنی 200 ملیار دینارەكە ئاشكرادەكات

بابەتی پەیوەندیدار
زیاتر ببینە

داوادەكرێت پەرلەمان پرسی یەكەمەكان و مامۆستایانی وانەبێژ و فەرمانبەرانی گرێبەست یەكلابكاتەوە

ژمارەیەك پەرلەمانتار داوادەکەن بڕگەیەکی دیکە بۆ کۆبونەوەی سبەی پەرلەمانی کوردستان زیادبکرێت، لەبارەی  چارەنووسی مامۆستایانی وانەبێژ و سێ یەکەمەکانی…
Total
7
Share