وتەبێژی هاتوچۆی هەولێر ئاشکرایکرد، دوو منداڵ ئۆتۆمبێلی باوکیان بردووە و تووشی ڕووداوی هاتوچۆ بوون، بەهۆیەوە یەکێک لە منداڵەکان گیانیلەدەستداوە و ئەوی دیکە کە برایەتی بریندارە.
لە ڕاگەیەندراوێکدا فازڵ حاجی وتەبێژی بەڕێوەبەرایەتیی هاتوچۆی هەولێر ڕایگەیاند، بەرەبەیانی ئەمڕۆ لە کاتژمێر 6:00 لە نزیک فڕۆکەخانەی هەریر ئۆتۆمبێلێک کە بەخێراییەکی زۆر لەسەر ڕێگای (باسرمە-هەریر-قەندیل) ڕۆیشتووە، وەرگەڕاوە.
ئاماژەی بەوەکردووە، لە ڕووداوەکەدا مێردمنداڵێکی تەمەن 15 ساڵ گیانیلەدەستدا کە شۆفێری ئۆتۆمبێلەکە بووە و سویچی ئۆتۆمبێلی باوکی بردووە.
هەروەها منداڵێکی تەمەن نۆ ساڵ کە برایەتی بە سەختی برینداربووە.
