فەرمانگەی میدیا و زانیاریی حكومەتی هەرێم ڕایگەیاند، لە چوارچێوەی بە ئەلیکترۆنیکردنی کاروباری حکومەت لە فەرمانگەكانی دادنوس و فەرمانگەكانی دیكە لە هەرسێ پارێزگاكەی هەرێمدا، چەند فەرمانگەیەكی دیكە بە ئەلیكترۆنی كراون.
بەپێی ڕاگەیەندراوێكی فەرمانگەی میدیا و زانیاری حكومەتی هەرێمی كوردستان، “بە ئەلیکترۆنیکردنی کاروباری حکومەت، یەکێک بووە لەو بەڵێنانەی ئەم كابینەیە لە سەرەتای دەستبەکاربوونیەوە بە خەڵكی داوە”.
باسی لەوەشكردووە، “تا ئێستا لە 64 فەرمانگەی دادنووسی لە سەرانسەری هەرێم 37 فەرمانگە لە هەر سێ پارێزگای هەولێر و سلێمانی و دهۆک، بەئەلیکترۆنی کراون (15 فەرمانگە لە پارێزگای هەولێر و 12 فەرمانگە لە پارێزگای سلێمانی و نۆ فەرمانگە لە پارێزگای دهۆک و فەرمانگەیەکیش لە پارێزگای هەڵەبجە.
