هاتوچۆی سلێمانی تا یەك مانگی دیكە مۆڵەت بە سەرجەم پێشانگا و كۆمپانیاكانی كڕین و فرۆشتنی ئۆتۆمبێل دەدات خۆیان لەگەڵ سیستمی گرێبەستی ئەلیكترۆنی بگونجێنن، بەپێچەوانەوە كار بەمامەڵەكانیان ناكرێت.
لە ڕاگەیەندراوێكدا بەڕێوەبەرایەتی هاتوچۆی پارێزگای سلێمانی ئاماژەی بەوەكردووە، “بڕیاری كاركردن بە سیستمی گرێبەستی ئەلیكترۆنی بۆ كڕین و فرۆشتنی ئۆتۆمبێل لە 2021/6/1 درێژكراوەتەوە بۆ 2021/8/1 لەپێناو خۆگونجاندنی پێشانگا و كۆمپانیاكان لەگەڵ بڕیارەكەدا”.
باس لەوەشكراوە، “پێویستە تا ڕۆژی 1/8/2021 سەرجەم پێشانگا و كۆمپانیاكان خۆیان لەگەڵ سیستمی گرێبەستی ئەلیكترۆنی بگونجێنن، بەپێچەوانەوە لە بەڕێوەبەرایەتییەكانی هاتوچۆ مامەڵەكانیان كاری پێناكرێت”.
