وتەبێژی حكومەتی عێراق رایدەگەیەنێت، لێكتێگەیشتن لە نێوان هەرێم و بەغداد بۆ چارەسەركردنی كێشەكان هەن و دەشڵێت، “بڕیارەكەی دادگای فیدراڵی لەبارەی بە بانكیكردنی مووچەی مووچەخۆرانی هەرێمی كوردستانەوە جێبەجێدەكرێت”.
باسم عەوادی وتەبێژی حكومەتی عێراق لە لێدوانێكیدا رایگەیاند، ناردنی مووچەی مووچەخۆرانی هەرێم بەردەوامدەبێت و بڕیارەكەی دادگای فیدراڵی لەبارەی مووچەی مووچەخۆرانی هەرێمی كوردستانەوە جێبەجێدەكرێت كە تایبەتە بە بانكیكردنی مووچە.
وتیشی، “لێكتێگەیشتن لە نێوان هەرێم و بەغداد بۆ چارەسەركردنی كێشەكانی نێوانیان هەیە و هاوڵاتییانی هەرێمی كوردستان لە نیازپاكیی سەرۆك وەزیرانی عێراق تێدەگەن”.
