كەوتنەخوارەوەی بەردێك لە باڵەخانەیەكی بازرگانی تازە دروستكراو لە موسڵ گیانلەدەستدانی منداڵێكی لێدەكەوێتەوە.
سەرچاوەیەكی ئەمنی لە شارەكەوە ڕایگەیاند، باڵەخانەكە تازە لە دروستكردندایە و دەكەوێتە گەڕەكی بەرید لە بەشی چەپی موسڵ.
ئەوەشی وت، “پۆلیس سەرجەم كرێكارانی شوێنی كارەكەی دەستگیركردووە، داواشی لە خاوەن باڵەخانەكە كردووە سەردانی بنكەی پۆلیس بكات بۆ لێكۆڵینەوە لە ڕووداوەكە”.
ڕێوشوێنەكانی پارێزگاری تایبەت بە باڵەخانەكان لە شوێنەكەدا دەستەبەر نەكراوە، لەوانەش دانانی بەبەرست بۆ ڕێگری لە كەسانی مەدەنی تا لە شوێنی دروستكردنەكە نزیك نەبنەوە یاخود بە نزیكیدا تێپەڕنەبن، ئەمەش وەك سەرچاوەكی ڕووداوەكە لێكدراوەتەوە.
س: میدیا عێراقییەكان
