جێگری سەرۆكی ئەنجومەنی نوێنەرانی عێراق رایدەگەیەنێت، گفتوگۆكان قۆناغی زۆر باشیان بڕیوە و سبەی لە بەغداد كۆبوونەوەكان بەردەوامدەبن بۆ ئەوەی هەردوولا بگەنە رێككەوتن لەپێناو چارەسەركردنی كێشەی مووچەی مووچەخۆرانی هەرێم.
شاخەوان عەبدوڵا، جێگری سەرۆكی ئەنجومەنی نوێنەرانی عێراق رایگەیاند، چارەسەركردنی كێشەی مووچەی فەرمانبەرانی هەرێمی كوردستان ئامانجی سەرەكیی سەردانی سەرۆكی ئەنجومەنی نوێنەرانی عێراق بوو كە گفتوگۆكان قۆناغی زۆر باشیان بڕیوە و سبەی لە بەغداد كۆبوونەوەكان بەردەوامدەبن.
وتیشی، “ئامانجی كۆبوونەوەكانیان بۆ ئەوەیە كە هەردوولا بگەنە رێككەوتن”.
