بەبڕیاری دادگا بە تۆمەتی تێوەگلان لە گەندەڵی دەستبەسەر موڵک و ماڵی ئیحسان عەبدولجەبار وەزیری پێشووی نەوتی عێراقدا گیرا.
میدیا عێراقییەکان بڵاویانکردەوە، “دادگای لێکۆڵینەوەی کەرخ تایبەتمەند بە دۆسیەی دەستپاکی بڕیاری دەستبەسەرداگرتنی سامانی گواستراوە و نەگواستراوەی ئیحسان عەبدولجەبار وەزیری پێشووی نەوتی عێراقی داوە”.
دادگای کەرخ بە پشتبەستن بە بەڵگەی بەکارهێنانی پۆستەکەی و وەرگرتنی بەرتیل لە ژمارەیەک وەبەرهێن تایبەت بە گرێبەستە نەوتییەکان بڕیارەکەی داوە.
پێشتر محەمەد شیاع سودانی رایگەیاندبوو لەبەرەنگاربوونەوەی گەندەڵیدا هیچ کەسێک تێناپەڕینن و سەرجەمیان دەدەن بە دادگا.
