حكومەت 2.5 ملیار دینار بۆ وشكەساڵی تەرخاندەكات

بۆ چارەسەری کێشەی دابینکردنی ئاوی خواردنەوەی ماڵانە

ئەنجومەنی وەزیرانی هەرێم بڕیاردەدات بڕی دوو ملیار و پێنج سەد ملیۆن دینار بۆ چارەسەری كێشەی وشكەساڵی تەرخانبكات.

فەرمانگەی میدیا و زانیاریی حكومەتی هەرێمی كوردستان بڵاویكردەوە، ئاماژە بە بڕیاری ئەنجومەنی وەزیران ژمارە 100 لە ڕێکەوتی 21ی نیسان کە تایبەت بوو بە بابەتی وشکەساڵی لە ھەرێمی کوردستان بڕی دوو ملیار و پێنج سەد ملیۆن دینار بۆ چارەسەری کێشەی دابینکردنی ئاوی خواردنەوەی ماڵان خەرجکرا.

ئاشكراشیكردووە، بڕیارەكە لەسەر ڕاسپاردەی مەسرور بارزانی، سەرۆکی حکومەتی ھەرێمی کوردستان بووە وەک ھەنگاوی یەکەم بۆ پارێزگاکان و ئیدارە سەربەخۆکان.

لە 26ی ئایاری ڕابردوو دووەم كۆبوونەوەی تایبەت بە‌ ڕوبەڕوبوونەوەی وشکەساڵی لە هەرێمی کوردستان بەڕێوەچوو و تیایدا بڕیاردرا بۆردێکی سەرەکی بەسەرۆکایەتی قوباد تاڵەبانی و بۆردێکی لاوەکی لەسەر ئاستی پارێزگا و ئیدارە سەربەخۆكان دروستبكرێت.

لەکۆبوونەوەکەدا گفتوگۆکرا دەربارەى چۆنێتی دەستپێکردنی قۆناغەکانی ڕوبەڕوبوونەوەى دیاردەى وشکەساڵى، جێگرى سەرۆکی ئەنجومەنى وەزیرانیش ڕایگەیاند، دەبێ هەنگاوی بەپەلە بگرینەبەر و بۆ ئەو مەبەستەش پلانێكی تۆكمە‌ ھە‌بێت‌ بۆ دابینكردنی ئاوی پاك بۆ ھاوڵاتیان.

 

بابەتی پێشتر

گۆرێتزکا دوایین یاخیبووە لە بایرن میونشن

بابەتی دواتر

وەزارەتی ئەوقاف لەبارەی دیاریكردنی یەكەم ڕۆژی جەژنی قوربان ڕوونكردنەوە دەدات

بابەتی پەیوەندیدار
Total
1
Share