وەزارەتی خوێندنی باڵای هەرێم بڕیاریدا ماوەی پێشكەشكردن و تاقیكردنەوەی توانستی زانستی بۆ خوێندنی دبلۆمی باڵا، ماستەر و دكتۆرا دوابخرێت.
وەزارەتی خوێندنی باڵا و توێژینەوەی زانستیی هەرێم رایگەیاند، لەپێناو بەرژەوەندیى گشتى و رەخساندنى دەرفەتى زیاتر بۆ خوازیاران و پێشکەشکارانى خوێندنى باڵا/ دبلۆمى باڵا و ماستەر و دکتۆرا و، رەخساندنی دەرفەتی زیاتر بۆیان بۆ ئەوەی باشتر خۆیان بۆ کاروبارە کارگێڕییەکان ئامادەبکەن و کات نەبێتە رێگر بۆ خۆتۆمارکردنیان، بڕیارماندا بە درێژکردنەوەى ماوەى پێشکەشکردن و ئەنجامدانى تاقیکردنەوەى توانستى زانستى.
وەزارەتی خوێندنی باڵا بریاریدا بە:
– درێژکردنەوەى ماوهی پێشكهشكردن بۆ خوێندنی باڵا/ دبلۆمی باڵا و ماستهر و دكتۆرا لە رۆژى پێنجشەمە رێکەوتى (2023/5/18) تاکو کۆتایی دەوامی فەرمی رۆژى یەکشەممە رێکەوتى (2023/6/4).
– دواخستنى تاقیكردنهوهی توانستی زانستی: لە رۆژى دووشەمە (2023/5/29) بۆ رۆژى دووشەمە رێكهوتی (2023/6/12).
– دهستپێكردنی خوێندنى ئەکادیمى: مانگى 9ى 2023.
