سێرجیۆ ڕامۆس، بەرگریکاری پێشووی یانەی ڕیاڵ مەدرید بڕیاریداوە پەیوەندی بە یانەی پاریس سان جێرمانی فەرەنسییەوە بکات.
ڕۆژنامەکانی “as” و کۆرێری دێلۆ سپۆرت ئاشکرایانکردووە، چەندین یانەی گەورەی وەک مانچستەر یونایتد و سیتی و ڕۆما خواستیان لەسەر گواستنەوەی سێرجیۆ ڕامۆس بووە، بۆ ئەم مەبەستەش بۆندیان پێشکەشکردووە، بەڵام یاریزانە مێژووییەکەی ڕیاڵ تەواوی ئەو ئۆفەرانەی ڕەتکردووەتەوە و بڕیاریداوە پەیوەندی بە یانەی پاریس سان جێرمانەوە بکات.
بەپێی سەرچاوەکان، لیۆناردۆ ئاراوخۆی بەڕێوەبەری پاریس سەرکەوتو بووە لە قایلکردنی یاریزانەکە، باشترین بۆندی پێشکەشکردووە، گفتوگۆی نێوان جەمسەرەکانیش بەرەوپێش چوون و هێندە نەماوە ڕێککەوتنێک بکەن.
کۆرێری دێلۆ سپۆرت نوسیویەتی، ڕامۆس هەنگاوێک لە پاریسەوە دوورە، لەنێو سەرجەم یانە داواکارەکان ئەو یانەیەی هەڵبژاردووە و بۆندەکەی نزیکە لە واژووکردنەوە.
