هەرچەندە پێنج یاریزان بەشداری دوایین ڕاهێنانەكانی ساڵی 2021یان نەكرد، بەڵام دووانیان بە پشكنینی كۆرۆنا، نێگەتیڤن و پەتاكەیان تێپەڕاندووە.
هەریەك لە یاریزانان ڤالڤێردی، كۆرتوا، كامافینگا، یۆڤیچ و ڤینیسیۆس جونیۆر بەهۆی كۆرۆناوە لە مەشق و ڕاهێنانەكانی ڕیاڵ مەدرید پێش یارییەكەی خیتافی بەشدارییان نەكرد.
سەرباری ئەوەش، دوایین پشكنین بۆ یاریزانەكان كراوە، ڤالڤێردی و كۆرتوا نێگەتیڤ بوون.
هەروەها دانی كارڤاخال-یش بەهۆی ئەنفلۆنزاوە، نەیتوانیوە بەشداریی ڕاهێنانەكان بكات.
یارییەكەی ڕیاڵ مەدرید و خیتافی یەكشەممە كاتژمێر 4:00 لە یاریگای ئەلفۆنسۆ پیرێز بەڕێوەدەچێت.
