بیتکۆین کە بەناوبانگترین دراوی ئەلیکترۆنییە لەجیهاندا، لەماوەی سێ هەفتەی ڕابردوودا ئێوارەی دوێنێ نزمترین ئاستی تۆمارکرد و نزیکەی نیوەی نرخەکەی لەدەستدا.
سەرۆکی فەرمانگەی باجی ئەمریکا داوای لە کۆنگرێسی وڵاتەکەی کردووە بەپێی دەسەڵاتە یاساییەکانی بڕیار لەبارەی ئەو دراوە ئەلیکترۆنیانەوە بدەن.
نرخی بیتکۆین بەڕێژەی %4.5 دابەزی و دوێنێ نرخەکەی گەیشتە 32 هەزار و 55 دۆلار و 22 سەنت، لە دوایین مامەڵەشیدا نرخەکەی بۆ 31 هەزار و 25 دۆلار کە ئەوەش نزمترین ئاستە تۆماریکردبێت، دوای ئەوەی لە مانگی کانونی دووەمدا نرخەکەی گەیشتە 30 هەزار دۆلار.
ئەو دراوە ئەلیکترۆنییە نیوەی نرخەکەی لەدەستداوە، دوای ئەوەی لە مانگی نیساندا نرخەکەی بۆ 65 هەزار دۆلار بەرزبووەوە.
