بەرەبەیانی ئەمڕۆ دووشەممە، دوو شەمەندەفەری هێڵی ناوخۆی پاکستان لە نزیک شاری “دهیرکی” لە ویلایەتی سیند بەیەکیاندا کێشا، بەهۆیەوە 30 کەس گیانیان لەدەستداوە و زیاتر لە 50 کەسی دیکە برینداربوون.
بەپێی هەواڵی میدیا پاکستانییەکان، بەشێکی زۆری سەرنشینانی شەمەندەفەرەکە لەخەودا بوون و ئەوەش کاریگەری لەسەر زۆریی ڕێژەی مردن و برینداربوون هەبووە، دوای پێکدادانەکەش 20 کەس لە کوژراوان و برینداربووان لەناو شەمەندەفەرەکاندا گیران خواردووە و نەتوانراوە بە ئاسانی دەربهێندرێن.
هۆکاری ڕووداوەکە ئەوە بووە، یەکێک لە شەمەندەفەرەکان لەسەر سکەی خۆی لایداوە و چووەتە سەر هێڵی بەرامبەر، لەوکاتەشدا شەمەندەفەرێکی دیکە هاتووە و بە قورسی خۆی پێداکێشاوە.
بەهۆی زۆری ڕێژەی دانیشتوانەوە، شەمەندەفەر بە یەکێک لە هۆکارەکانی گواستنەوەی گرنگ دادەنرێت لە بەشێکی وڵاتانی ئاسیا و کێشەی زۆرینەی ئەو وڵاتانە تێچووی زۆری چاککردنەوە و نوێکردنەوەی هێڵەکانە، ئەمەش هەندێکجار ڕداوی لادان لەسەر هێڵ یان پێکدادانی تێدا ڕوودەدات.
رسانه‌های پاکستان می‌گویند برخورد دو قطار مسافربری با یکدیگر در نزدیکی شهر «دهرکی» در ایالت سند تاکنون 36 کشته و بیش از ۵۰ مجروح بر جا گذاشته است.
یک مقام پاکستانی گفته بیش از 20 نفر هم در میان لاشه‌های قطار گیر افتاده‌اند و تلاش‌ها برای نجات آنها ادامه دارد.#العربیه_فارسی pic.twitter.com/6EqZKWBFlR— العربیه فارسی (@AlArabiya_Fa) June 7, 2021
