لەماوەی 24 كاتژمێری ڕابردوودا 537 توشبووی نوێی كۆرۆنا تۆماركرا و 688 توشبووش چاكبوونەتەوە.
وەزارەتی تەندروستیی هەرێم ئەمڕۆ سێشەممە ئاماری نوێی كۆرۆنای بڵاوكردەوە و ڕایگەیاند، لە 24 كاتژمێری ڕابردوودا 9 هەزار و 280 پشكنین ئەنجامدراوە و لەو ژمارە 537 توشبووی نوێ تۆماركراوە.
زۆرترین توشبوو لە سلێمانی-یە بە 233 حاڵەت، دوای ئەویش دهۆك دێت بە 139 حاڵەتی توشبوون.
هەر بەپێی ئامارەكە 688 توشبووی پێشوو چاكبوونەتەوە و 10 توشبووش گیانیان لەدەستداوە.
كۆی گشتیی توشبووانی كۆرۆنا لە هەرێم گەیشتە 170 هەزار و 631، لەو ژمارەیە 157 هەزار و 52 توشبوو چاكبوونەتەوە و چوار هەزار 285 توشبووش گیانیان لەدەستداوە.
