پۆلیسی هەولێر ڕایگەیاند، ئەمڕۆ لە یەكێك لە گەڕەكەكانی شارەكە کەسێک لەلایەن دراوسێکەیەوە بە چەقۆ کوژرا، لە لێکۆڵینەوە سەرەتاییەکانیشدا دەرکەوت، کە چەقۆکە بەردڵی کەوتوە.
لە ڕاگەیەندراوێكدا بەڕێوەبەرایەتی پۆلیسی هەولێر ئاماژەی بەوەكردووە، “دوای ئاگادارکردنەوەی پۆلیس بەبونی ڕووداوێکی کوشتن لە گەڕەکی ژیان دەستبەجێ تیمێکی لێکۆڵینەوە گەیشتە شوێنی ڕووداوەكە و دەست بەلێکۆڵینەوە کرا”.
پۆلیسی هەولێر باسیلەوەشكردووە، “دوو دراوسێ ده‌مه‌قاڵه‌یان بووە و یه‌كێكیان چه‌قۆیه‌كى له‌سه‌ر دڵی دراوسێكه‌ی داوه”.
ڕونشیكردووەتەوە، “لە لێکۆڵینەوە سەرەتاییەکاندا دەرکەوتووە هاوڵاتیەک بەناوی (دڵشاد انورعبدالڵە) چەقۆیەک بەر دڵی کەوتوە، دوای گه‌یاندنی بۆ نه‌خۆشخانه، گیانی له‌ده‌ستداوه”.
