پێشمەرگەیەك لە ئاوی دوكاندا خنكا

لە ماوەی كەمتر لە 24 كاتژمێر، دوو كەس لە كاتی مەلەكردندا لە ئاوی دوكان خنكان.

سیروان سەرحەد، قائیمقامی دوكان بە تۆڕی میدیایی ئێستای ڕایگەیاند، ئەمڕۆ یەکشەممە گەنجێكی تەمەن 27 ساڵ، كە دانیشتووی كەركوكە و پێشمەرگە بووە لە هێزەكانی 70، لەكاتی مەلەكردندا لە ئاوی دوكان خنكاوە.

وتیشی، لە ماوەیەكی كەمدا لەلایەن ھاوڵاتییان و پۆلیسی فریاکەوتنی دوکانەوە تەرمەکەی دەرھێنراوە.

قائیمقامی دوكان باسیلەوەشكرد، لە ماوەی کەمتر لە 24 کاتژمێردا ئەوە دووەمین ڕووداوی خنکانە لە ئاوی دوکاندا، لە ماوەی سێ ڕۆژەكەی جەژنیشدا سێ كەس خنكاون.

داواش لە گەشتیاران دەکات، زیاتر پابەندی ڕێنماییەکان بن و لە دەریاچەكەدا مەلە نەکەن.

ئەوەش لەكاتێكدایە، دوێنێ لە کاتی مەلەکردندا گەشتیارێکی تەمەنی 40 ساڵ، كە دانیشتووی بەغداد بوو، لە دەریاچەی دوکان خنکا.

بابەتی پێشتر

پۆلیسی ڕاپەڕین دەنگۆی هەڵاتنی سلێمان هەڵشۆیی ڕەتدەکاتەوە

بابەتی دواتر

خشتە و کاتی یارییەکانی ئەمڕۆ، یەکشەممە بەکاتی هەرێمی کوردستان

بابەتی پەیوەندیدار
Total
0
Share