ئه‌ندامێكی لیژنەی دارایی ئەنجومەنی عێراق لەبارەی دابەشکردنی مووچە زانیاری دەخاتەڕوو.
د.جه‌مال كۆچه‌ر، ئه‌ندامی لیژنەی دارایی ئەنجومەنی نوێنەرانی عێراق به ڕۆژنامه‌ی سه‌باحی ڕاگەیاندووە، “هیچ کێشەیەک بۆ مووچە نییە و مسۆگەرە، حکومەت دەتوانێت پێش جەژن موچەی ئەم مانگە دابەشبکات”.
وتیشی، بەگشتی دابەشکردنەکە لە 18ی مانگەوە دەستپێدەکات و بڕیارە تاوه‌كو 25ی مانگ پرۆسەکە تەواو ببێت.
ئەوە لەکاتێکدایە پەیوەست بە مووچەی مانگی نیسان سەرچاوەیەک لە وەزارەتی دارایی هەرێمی کوردستان بە تۆڕی میدیایی ئێستای ڕاگەیاند، لیستی مووچە ئامادەیە و بانکەکانیش ئامادەن، ئەگەر ئەمڕۆ وەزارەتی دارایی عێراق پارەکە بنێرێت، ئەوا ڕاستەوخۆ ڕۆژی سێشەممە مووچە دابەشدەکرێت.
