بەڕێوەبەرایەتیی هاتوچۆی هەولێر ئاشکرایکرد، بڕیاربووە چەند گەنجێک لە شەقامی 150 مەتری پێشبڕکێیەکی ئۆتۆمبێل بکەن و ئەگەر ڕێگای لێنەگیرایە ئەوا کارەسات دەکەوتەوە.
هاتوچۆی هەولێر لەسەر ئەو حاڵەتە دەڵێت، “دەستخۆشی لە هەموو هێزە ئەمنییەکان، پۆلیسی چالاکییە مەدەنییەکان، مەفرەزەکانی قایمقامیەت، مەفرەزەکانی هاتوچۆ و پۆلیسی فریاکەوتن دەکەین، کە شەوی ڕابردوو ڕێگربوون لە ئەنجامدانی پێشبڕکێیەکی ئۆتۆمبێل لە شەقامی 150 مەتری، کە ئەگەری هەبوو لەکاتی ئەنجامدانیدا ببووایەتەهۆی سووتانی جەرگی چەند دایکێک و کارەسات دروستبووایە”.
هاتوچۆی هەولێر داوادەكات گلەییان لێنەکرێت کە بۆچی ڕێگا لەو گەنجانە دەگرن، چونکە پێشبڕکێکە لەسەر پێنج هەزار دۆلار بووە.
