ئەمشەو، شەممە لە چوارچێوەی ڕوبەڕوبوونەوەکانی هەفتەی 35ی خولی پلە یەکی ئیسپانیا، یانەی بەرشلۆنە ڕوبەڕوی ئەتلەتیکۆ مەدرید بووەوە و یەکسانبوون باڵی بەسەر ئەنجامەکادا کێشا.
بەرشلۆنە لە یاریگای کامپ نو میوانداری ئەتلەتیکۆ مەدریدی یەکەمی ڕیزبەندی لالیگای کرد، یاری نێوانیان بەبێ گۆڵ یەکدانبوون کۆتاییهات.
لە تایمی یەکەمدا ئەستێرەکانی دیێگۆ سیمیۆنی باڵادەستبوون و توانیان چەندین هەلی گۆڵکردن بڕەخسێنن، لە تایمی دووەمیشدا کەتەلۆنییەکان ئاستێکی بەرزیان پێشکەشکرد، بەڵام هیچ یەکێک لە دوو جەمسەرە زەبەلاحەکە سەرکەوتوو نەبوون لە تۆمارکردنی گۆڵ.
https://streamable.com/quvga2
بەپێی ئەنجامە تۆمارکراوەکە، ئەتلەتیکۆ مەدرید بە کۆکردنەوەی 77 خاڵ لە لوتکەی ڕیزبەندی یانەکانی لالیگا بەردەوامبوو، لەبەرامبەردا بەرشلۆنە بە 75 خاڵەوە لە پلەی دووەمدا جێگیربوون.
بەگشتی ئەنجامەکە لە بەرژەوەندی ڕیاڵ مەدرید بوو، کە بە 74 خاڵەوە و بەشێوەیەکی کاتیی دەکەوێتە پلەی سێیەمەوە، لە ئەگەری بردنەوەی ڕوبەرووبوونەوەی ئیشبیلیە، زەبەلاحەکەی مەدرید جارێکی دیکە لوتکەی خولی پلە یەکی ئیسپانیا دەگرێتەوە.
