وەزارەتی تەندروستیی هەرێمی كوردستان ئاماری 24 کاتژمێری ڕابردووی کۆرۆنای بڵاوکردەوە، 843 کەس تووشی کۆرۆنا بوون و 15 کەسیش گیانیان لەدەستداوە.
وەزارەتی تەندروستی ڕایگەیاند، “لە شەو و ڕۆژی ڕابردوودا لە هەولێر 283 کەس توشی کۆرۆنا بوون، 330 كەس لە سلێمانی، 160 لە دهۆک، هەڵەبجە 11 کەس و لە گەرمیانیش 59 کەس توشی پەتاكە بوون”.
هەر بەپێی ئامارەکە، دوو کەس لە هەولێر، چوار کەس لە سلێمانی، شەش کەس لە دهۆک و سێ کەس لە گەرمیان بە کۆرۆنا گیانیان لەدەستداوە.
بەپێی ئامارە گشتییەکانی وەزارەتی تەندروستیی هەرێم، تاوەکو ئێستا 146 هەزار و 31 کەس توشی کۆرۆنا بوون، لەو ژمارەیە 122 هەزار و 829 کەس چاکبوونەتەوە و سێ هەزار و 959 کەسیش گیانیان لەدەستداوە.
