كوشتارگەی هاوچەرخی سلێمانی دەڵێت، لە ماوەی یەك مانگدا هەزاران تۆن گۆشتی نەشیاو ئاشكرا و كۆنترۆڵ كراون.
لە ڕاگەیەندراوێكدا كوشتارگەی هاوچەرخی سلێمانی ئاشكرایكرد، لە مانگی حوزەیراندا تیمە پزیشکییەکانی کوشتارگەكە 11 تۆن و 500 کیلۆگرام گۆشتی نەشیاویان دەستنیشانكردووە.
بەپێی ڕاگەیەندراوەكە، تەنها لەم مانگەدا هەزاران ئۆرگانی نەشیاو لەڕووی تەندروستی بۆ بەکارهێنان و نەگونجاویی بەهای خۆراکییان لەلایەن تیمەكانیانەوە دیاریکراون و بە ڕێگەی زانستی مامەڵەیان لەگەڵدا کراوە.
كوشتارگەی هاوچەرخی سلێمانی باس لە مەترسیداریی ئەو گۆشتانەی لەناوبراون دەكات و دووپاتیكردەوە کە ئەو گۆشتانە هەڕەشەی ڕاستەوخۆ بوون بۆ تەندروستیی هاوڵاتییان.
