توشبوون بە كۆرۆنا لە هەرێم ڕوو لە هەڵكشانە، لەماوەی 24 كاتژمێری ڕابردوودا 1277 توشبووی نوێ و 14 گیانلەدەستدان تۆماركراوە.
وەزارەتی تەندروستیی هەرێم ئەمڕۆ دووشەممە بڵاویكردەوە، لەو ماوەیەدا 9 هەزار و 229 پشكنین ئەنجامدراوە و لەو ژمارەیە هەزار و 277 توشبووی نوێ تۆماركراوە.
هەر لە 24 كاتژمێری ڕابردوودا 716 توشبوو چاكبوونەتەوە و 14 توشبووش گیانیان لەدەستداوە كە زۆرترینیان لە دهۆك بووە بە 9 حاڵەت، وەك ئەوەی لە ڕاگەیەنراوی وەزارەتەكەدا هاتووە.
ڕونیشیدەكاتەوە، كۆی گشتیی توشبووانی كۆرۆنا گەیشتە 140 هەزار و 573، لەو ژمارەیە 118 هەزار و 168 توشبوو چاكبوونەتەوە و سێ هەزار و 890 توشبووش گیانیان لەدەستداوە.
